Қостанайда 86 жастағы қарияны өлтірді деген күдікпен кәмелетке толмаған жасөспірім ұсталды, деп хабарлайды otirikemes.kz Қостанай облысы полиция департаментіне сілтеме жасап.
Оқиға қаладағы үйлердің бірінің ауласында болған. Ол жерден зорлық-зомбылық белгілері бар 86 жастағы ер адамның мәйіті табылған. Аталған дерек бойынша қылмыстық іс қозғалды.
Жедел-іздестіру іс-шаралары барысында полиция қызметкерлері күдіктіні анықтап, ұстады. Оның жергілікті кәмелетке толмаған тұрғын екені белгілі болды.
Қазіргі уақытта күдікті уақытша ұстау изоляторына қамалған. Тергеу амалдары жүргізіліп, оқиғаның барлық мән-жайы анықталып жатыр.