Казақстан әйелдер құрамасының көшбасшысы Елена Рыбакина Торонтода (Канада) өтіп жатқан WTA 1000 сериялы турнирінің ширек финалына жолдама алды.
Отандық теннисші 1/8 финалда ресейлік Людмила Самсоновамен тартысты матч өткізді. Корттағы тартыс үш сетке созылып, қорытындысында Елена Рыбакина 6:4, 4:6, 6:4 есебімен жеңіске жетті.
Енді ширек финалда Елена Рыбакина жапониялық танымал теннисші Наоми Осакамен шеберлік байқасады.
Айта кетейік, егер Елена Рыбакина Торонтодағы турнирде жеңіске жететін болса, әлемнің бірінші ракеткасы атанады.
