Астанада LRT желісін Қосшы бағытына қарай ұзарту жұмыстары жалғасып жатыр. Бұл туралы City Transportation Systems (CTS) компаниясы мәлімдеді.
Компанияның хабарлауынша, құрылыс барысында алғаш рет DF30/245 мамандандырылған көпірқұрастырғыш техникасы іске қосылды. Оның көмегімен алғашқы темірбетон арқалығы орнатылған.
CTS өкілдерінің айтуынша, бұл техника арқалықтарды орнатудың толық циклін орындайды және Қазақстанда тұңғыш рет қолданылып отыр. Сондай-ақ ол жол қозғалысын шектеуді барынша азайтып, құрылыс-монтаж жұмыстарының қарқынын арттыруға мүмкіндік береді.
Арнайы техника қашықтан басқару жүйесімен жабдықталған, бұл монтаждау жұмыстарының қауіпсіздігі мен тиімділігін арттырады.
