Ақсу-Жабағылы мемлекеттік табиғи қорығында орнатылған фототұзақтар жабайы жануарлардың табиғи ортадағы тіршілігін таспаға түсірді, деп хабарлайды otirikemes.kz
Қорық аумағында орналасқан арнайы камералар табиғат аясындағы жануарлардың күнделікті өмірінен ерекше сәттерді тіркеген.
Әрбір кадр қорықтың бай табиғатын және ондағы жануарлар дүниесінің алуан түрлілігін көрсетеді. Мамандардың айтуынша, фототұзақтар арқылы жабайы жануарлардың тіршілігін бақылап, олардың табиғи ортадағы қозғалысы мен мінез-құлқын зерттеуге мүмкіндік бар.
Ақсу-Жабағылы қорығының табиғи байлығы – еліміздің баға жетпес мұрасы. Ал фототұзаққа түскен әрбір көрініс көпшілікке табиғаттың біз күнделікті көре бермейтін тылсым әлемін танытады.