Мемлекет басшысының Жарлығымен Мұхтар Бескенұлы Тілеуберді Қазақстан Республикасының Сыртқы істер министрі лауазымына тағайындалды. Ол бұрынғы атқарған лауазымынан босатылды.
Ақорданың ресми сайтында тиісті Жарлыққа Президент қол қойғаны хабарланды.
Мұхтар Тілеуберді — тәжірибелі дипломат, мемлекеттік қайраткер. Әр жылдары Қазақстан Республикасының шетелдегі Елшісі, Сыртқы істер министрінің орынбасары және бірінші орынбасары, сондай-ақ ҚР Премьер-Министрінің орынбасары – Сыртқы істер министрі қызметтерін атқарған.
