Мемлекет басшысының Жарлығымен Аида Ғалымқызы Балаева Қазақстан Республикасы Қауіпсіздік Кеңесі төрағасының орынбасары лауазымына тағайындалды. Бұл туралы Ақорданың баспасөз қызметі хабарлады.
Аида Балаева - мемлекеттік басқару, ішкі саясат, ақпарат және әлеуметтік даму салаларында мол тәжірибесі бар мемлекеттік қайраткер. Осыған дейін ол ҚР Мәдениет және ақпарат министрі, ҚР Президенті Әкімшілігі Басшысының орынбасары, сондай-ақ Ақпарат және қоғамдық даму министрі қызметтерін абыроймен атқарған болатын.
Жаңа лауазымында Аида Балаева мемлекеттік қауіпсіздікті қамтамасыз ету, ішкі тұрақтылықты нығайту және Қауіпсіздік Кеңесінің құзыретіне кіретін стратегиялық бағыттарды үйлестіру жұмыстарына жетекшілік ететін болады.
